Испания чемпионатининг 10-тури доирасида Мадриднинг "Реал" клуби сафарда "Алавес" меҳмони бўлди ва йирик ҳисобда ғалаба қозонди.
Ўйиндаги ҳисобни кутилмаганда мезбонлар очишди. Тео Эрнандес етказган узатмани Дейверсон "Қироллик клуби" дарвозасига жойлади. Орадан кўп ўтмасдан "Алавес" иккинчи тўпни рақиб дарвозасига уриши мумкин эди, аммо зарбага бирозгина аниқлик етишмади.
"Реал" пенальтидан ҳисобни тенглаштирди. Роналду имкониятдан самарали самарали фойдаланди. 33-дақиқага келиб Криштианунинг ўзи жамоасини ҳисобда олдинга олиб чиқди. У икки ҳимоячи орасидан ўтди ва зарба берди. Тўп мезбон футболчиларидан бирига тегиб, тўрга бориб тушди.
Баҳс тугашига ҳакам мезбонлар дарвозаси томон яна битта пенальти белгилади. Бироқ бу сафар Роналдунинг зарбасини Пачеко қайтаришга муваффақ бўлди. Шунга қарамай, қолган 10 дақиқа давомида майдон эгалари дарвозаси яна икки марта ишғол қилинди. Альваро Мората ва Роналдунинг зарбаларидан сўнг тўп тўрга бориб тушди. Якуний ҳисоб — 4:1. Криштиану хет-трикка эришди.
Испания Ла лигаси, 10-тур
Алавес – Реал Мадрид 1:4 (1:2, 0:2)
Голлар: 1:0 – 7 Дейверсон, 1:1 – 17, пенальти Роналду, 1:2 – 33 Роналду, 1:3 – 84 Мората, 1:4 – 88 Роналду.
Ноаниқ пенальти: Роналду (79, дарвозабон)
Алавес – Пачеко, Феддаль, Гарсия Карнеро, Тео, Руано, Ману Гарсия (Крстичич, 62), Фемения, Мендес (Катаи, 67), Камараса, Торрес (Сантос, 83), Дейверсон.
Реал Мадрид – Навас, Пепе (Начо, 24), Марсело, Данило, Варан, Ковачич, Кроос, Иско, Бэйл (Васкес, 87), Роналду, Бензема (Мората, 67).
Огоҳлантиришлар: Дейверсон (16), Торрес (39), Тео (52), Бэйл (60), Фемения (80), Крстичич (86).
