«Барселона» бош мураббийи Луис Энрике Испания чемпионатининг 10-тури доирасида «Гранада»га қарши ўйин (1:0) борасида ўз фикрларини билдириб ўтди.

«Биз ҳамиша кўп гол урган ҳолда ғалаба қозона олмаймиз. Бу бизнинг энг яхши ўйинимиз бўлмаслиги мумкин, аммо жамоа яхши иштиёқ намойиш қилди. «Гранада» ҳужумда кўп вазиятлар ярата олмаслигини билган ҳолда ҳимоявий ўйин қилди. Улар зич ва яхши ҳимояланишди. Ҳар бир жамоа ҳам бундай ҳимоялана олмайди. «Манчестер Сити»га қарши ўйинда ҳимояда ҳам ўйнашимизга тўғри келади ва кучли прессингга дуч келамиз.

Бутун ўйин давомида мухлислар куйлашганидан ва бизни олқишлашганидан хурсандман. Ўйинчилар буни қадрлашади. Ниҳоят «Камп Ноу» ҳақиқий стадиондек кўринмоқда», — дейди Луис Энрике.