«Реал» ҳимоячиси Марсело «Алавес»га қарши ўйин (4:1) борасида ўз фикрларинии билдириб ўтди.

"Криштиану "хет-трик"ка эришганидан хурсанд, аммо 3 очко қўлга киритилганидан янада хурсанд. Шу билан бирга у гол уриш учун яшайди. Шу боис, у гол ура олмаган пайтда асабийлашади.

Мората дарвозани ишғол қилганида ўзим узатма берганимдан эмас, у гол урганидан хурсанд бўлдим. Ўзимизни ишончли ҳис қилиш учун яна битта гол уришимиз кераклигини билардим. Шунинг учун Моратанинг голидан хурсанд бўлдим.

Ҳакамлик мавзусини муҳокама қилишни ёқтирмайман. Баъзида ҳакамлар яхши ишлашади, баъзада хато қилишади. Ла лигада ишлаш осон эмас. Ҳар қандай жамоа ҳакамлар хатосига дуч келиши мумкин", — дейди Марсело.