Япония ёшларининг яримҳимоячиси Рицу Доан ёшлар ўртасидаги Осиё чемпионатининг энг яхши футболчиси деб тан олинди.
«Гамба Осака» клубининг футболчиси ажойиб ўйини билан барчанинг эътиборини қозонди.
«Мени энг яхши футболчи деб топишганларида ҳайрон қолдим, чунки мусобақа давомида жуда яхши ўйнамаган эдим. Бу совринда фақат менинг эмас, балки жамоадошларимнинг ҳам ҳиссаси бор. Мен кўпроқ гол уриб, кўпроқ узатмаларни амалга оширишга ҳаракат қилдим холос» - деб камтарлик қилди Доан.
Доан бу совринни қўлга киритиб, ироқлик Муҳаннад Абдураҳим, БААлик Аҳмад Халил ва ватандоши Синзи Оно изидан бораётганини исботлади.
