Чемпионлар лигасида иштирок этаётган «Бавария»дан бошқа немис клублари Бундеслигада яхши старт олмади.
Масалан, Дортмунднинг «Боруссия» клуби 9 турдан кейин пешқадамдан 8 очко ортда қолиб, 6-ўринда бормоқда. Ваҳоланки, клуб мавсум оралиғида трансферлар учун 100 млн евро сарфлаган эди.
«Байер» 10-ўринни, «Боруссия М» эса 11-ўринни эгаллаб турибди. Улар ЕЧЛ йўлланмасини берувчи 4-ўриндан 6 очко ортда қолмоқда.
Чемпионлар лигаси йўлланмасини берувчи ҳудудда эса, кутилмаганда «РБ Лейпциг», «Хоффенхайм» ва «Кёльн» клублари боришмоқда.
