«Манчестер Юнайтед» клуби хайрия аукционида ЮНИСЕФ ташкилоти учун 215 минг фунт тўплади.
Барча маблағлар Таиланддаги имконияти чекланган болаларнинг таълимини ривожлантириш фондига сарфланади.
Бош мураббий Жозе Моуриньо ҳам хайрия тадбиридан четда қолмади ва аукционга дастхати туширилган кийимлари ва буюмларини қўйиб, 30 минг фунт тўплади.
«Хайрия – жамиятдаги энг зўр тадбирлардан биридир ва мен ҳар доим ЮНИСЕФни қўллаб-қувватлайман. Бугун тўпланган маблағлар Таиланд болаларига ёрдам беради. Келажак учун савоб иш қилаётганимиздан бахтиёрмиз» - деди Моуриньо.
