Олий лига мусобақа жадвалида 1-поғонани банд этиб турган Тошкентнинг “Локомотив” клуби навбатдаги учрашувини 28-тур ўйинлари доирасида Навоийнинг “Қизилқум” жамоасига қарши ўтказади.
“Темирйўлчилар” жамоаси мазкур ўйинга ҳозирликни давом эттирмоқда. Бугун “Локо” футболчилари сафарга жўнаш олдидан машғулот ўтказишди. Машғулотда барча футболчилар иштирок этишганини таъкидлаш жоиз. Олдиндаги муҳим беллашувга ҳамма жиддий тайёргарлик олиб бормоқда.
Қайд этиш жоизки, “Қизилқум” – “Локомотив” учрашуви 3 ноябрь куни 15:30да бўлиб ўтади.
