Мадриднинг "Реал" клуби Гарет Бэйлдан кейин яна бир неча футболчилар билан шартномани узайтиришни режалаштирмоқда.
"Қироллик клуби" Криштиану Роналду, Иско, Пепе ва Даниэля Карвахаль билан янги шартнома имзолашга тараддуд кўрмоқда.
Роналду билан шартноманинг узайтирилиши муҳим аҳамиятга эга бўлиб, "Реал" ўз етакчисини тўлиқ қўллаб-қувватлашини кўрсатиши лозим. Шартнома 2020 йилгача узайтирилиши кутилмоқда.
Пепе билан тузилажак шартнома шуни англатадики, ўйинчи бошқа клубга ўтишни истаса, клуб уни текинга қўйиб юбормайди.
Иско асосий таркибда тез-тез туша бошлади. Янги шартнома унинг янада сидқидилдан ишлаши учун рағбат бўлиб хизмат қилишади.
Карвахаль «Реал» билан шартномани 2020 йилдан 2022 йилгача узайтириш билан бирга маошини ҳам кўпайтириб олади.
«Реал» шу пайтгача Марко Асенсио, Лука Модрич, Тони Кроос, Лукас Васкес, Кейлор Навас ва Гарет Бэйл билан янги шартнома тузишга улгурди. Карим Бензема ва Фабиу Коэнтрау билан амалдаги шартномалар 2020 йилгача тузилган.