WBA талқини бўйича бўш турган чемпионлик камари учун австралиялик Лукас Браун (24-0, 21 КО) ва америкалик Шеннон Бриггс (60-6-1, 53 КО) жанг олиб борадиган бўлди.
Эслатиб ўтамиз, Браун жорий йилнинг март ойида Руслан Чагаевни енгиб жаҳон чемпиони бўлган, бироқ кейинчалик допинг сабабли дисквалификация қилинган эди.
Шундан сўнг чемпионлик камари Руслан Чагаевга топширилган, у эса бироз вақт ўтгач, фаолиятини якунлаганини эълон қилган эди. Натижада WBA чемпионлик камари эгасиз қолганди.
Ҳозирча жангнинг аниқ санаси маълум эмас, аммо у йилнинг охиригача ўтказилиши шарт.