Қатар юлдузлар лигасида 6-тур ўйинлари ўтказилди. Ҳамюртимиз Сардор Рашидов ўйнаётган «Ал-Жаиш» клуби сафарда мусобақа аутсайдери «Сайлия» билан ўйнади.
Биринчи бўлимнинг 5-дақиқасидаёқ Рашидов ҳисобни очди. Шундан сўнг меҳмонлар катта ташаббусга эга бўлиб, рақиб дарвозасига тўртта гол уришди. Биринчи бўлимдан сўнг «Ал-Жаиш» 5:1 ҳисобида олдинда эди.
Иккинчи бўлимда мезбонларнинг фаоллиги, рақибнинг хотиржамлиги эвазига ҳисоб 4:5 бўлди. Аммо 77-дақиқада Рашидов томонидан урилган яна бир гол мезбонларнинг шаштини ўлдирди.
Чемпионатнинг 6 туридан сўнг «Ал-Жаиш» 16 очко жамғариб 1-ўринда бормоқда.
Қатар юлдузлар лигасида 6-тур
«Сайлия» - «Ал-Жаиш» 4:6 (1:5)
Голлар: Эфолу (11,64), Хусайн (49,53) – Рашидов (5,77), Илёс (20), Ромариньо (22,37), Кейта (43)
