«Реал» бош мураббийи Зайниддин Зидан Европа чемпионлар лигасининг 4-тури доирасида бўлиб ўтган «Легия»га қарши ўйин (3:3) борасида ўз фикрларини билдириб ўтди.

«Учрашувнинг бориши мени ҳайрон қолдирмади, бу ғалати ўйин бўлди. Бизга бирозгина нимадир етишмади. 2:0 ҳисобида олдинда бораётганингда тўхташга ҳаққинг йўқ. Биз эса айнан тўхтаб қолдик ва рақиб 3та гол урди. Бу менинг хатоим эди, лекин энг муҳими – биз ютқазмадик.

Мулоҳаза қилишимиз керак. Ҳисобда олдинда бораётганимизда ёпиқроқ ўйин қилишимиз керак эди, аммо ўтказиб юборилган гол бизга муаммолар туғдирди. Бугунги ўйинни унутиб, навбатдаги ўйинга тайёргарлик кўришимиз керак.

Гуруҳ босқичининг сўнгги қисми янада қийинроқ кечади, лекин гуруҳни пешқадам сифатида якунлаш учун бизда ҳамон имконият бор. Бунинг учун қўлдан келган барча ишни қиламиз», – дейди Зидан.