«Вест Хэм Юнайтед» ҳужумчиси Энди Кэрролл номаълум шахслар томонидан уюштирилган қуролли ҳужум қурбони бўлишига сал қолди.
2 ноябрь куни машғулотдан қайтаётган футболчини чорраҳалардан бирида номаълум шахслар тўхтатиб, унга қурол ўқталишган, деб хабар бермоқда Sky Sports.
Аммо Кэррол шошиб қолмаган ва машинасини орқага буриб, клуб қароргоҳига қараб қочган. Жиноятчилар маълум бир масофагача уни қувиб боришган ва кейинчалик қолиб кетишган. Айни пайтда полиция бу ишни тергов қилмоқда.
Эслатиб ўтамиз, Кэррол август ойида олган жароҳатини тиклаш билан машғул бўлиб, шу ҳафтада машғулотларга қайтган эди.
