Россия давлат думаси депутати Олег Нилов, футбол ва хоккей клублари хориждан таклиф қилинаётган легионерларни мухлислардан йиғилган пуллар эвазига сотиб олишни таклиф қилди.
«Хорижлик легионерларни сотиб олиш, уларга маош тўлаш юкини бюджет елкасидан олиб ташлаш керак. Бугунги кунда футбол ва хоккей клубларининг 80 фоизига бюджет ташкилотлари ҳомийлик қилмоқда.
Бундай клубларни бюджет ҳисобига маблағ билан таъминлашни тўхтатиш лозим. Легионерлар кимга керак бўлса, ўша мухлислар пул йиғиб, ўзлари сотиб олақолсин. Қанчалик кўп маблағ тўпласа, шунчалик яхши легионер жалб қилинади» - деди Нилов «РИА Новости» хабарида.
