“Қўқон-1912” – “Машъал” (1:1) жамоалари ўртасидаги учрашувдан кейин ўтказилган матбуот-анжуманида мезбонлар бош мураббийи Нўъмон Ҳасанов қатнашди.

Бугун мухлислар жанговор ва шиддатли курашларга бой тарзда ўтган ўйинга гувоҳ бўлишди. Мана шундай ўйинлар чемпионатимиз безагига айланмоқда. Бугун ғалаба қозонишимиз керак эди. Аммо бу футбол. Шогирдларимга раҳмат айтаман. Улар сўнгги учрашувларда борларини бериб тўп суришмоқда. Мана шундай қийин вазиятдан чиқиб кетишимизга ишонаман. Мухлислардан бугунги натижа учун узр сўрайман -деди Ҳасанов.