Англия чемпионатининг 11-тури доирасида "Челси" ўз майдонида "Эвертон"ни қабул қилди ва йирик ҳисобда ғалаба қозонди. Антонио Конте шогирдлари жуда ўйин намойиш қилишди ҳамда рақиб дарвозасини нақ 5 марта ишғол қилишди.

"Челси" етакчиси Эден Азар дублни расмийлаштирган бўлса, АПЛ тўпурарлари рўйхатини бошқараётган Диего Коста бу сафар ҳам майдонни голсиз тарк этмади. Мезбонларнинг яна иккита голига Алонсо ва Педро муаллифлик қилишди.

Шу тариқа, "Челси"нинг ғалабалар серияси 5тага етди. Шунча ўйиндан бери Конте жамоаси ўз дарвозасидан гол ўтказиб юбормаяпти. "Сити" бугун очко йўқотганидан кейин "Челси" 25 очко билан АПЛ пешқадамига айланиб олди.

АПЛ, 11-тур
Челси – Эвертон 5:0 (3:0)
Голлар: 1:0 – 19 Азар, 2:0 – 20 Алонсо, 3:0 – 42 Диего Коста, 4:0 – 56 Азар, 5:0 – 65 Педро.
Челси – Куртуа, Давид Луиз, Кэйхилл (Терри, 84), Алонсо, Аспиликуэта, Матич, Мозес, Педро (Оскар, 71), Канте, Азар (Батшуайи, 80), Диего Коста.
Эвертон – Стекеленбург, Жагелка, Уильямс, Овьедо (Миральяс, 36), Фунес Мори, Баркли, Бэрри (Дэвис, 66), Клеверли, Болази (Леннон, 60), Коулмэн, Лукаку.
Огоҳлантиришлар: Болази (15), Жагелка (30), Бэрри (64).