Испания чемпионатининг 11-турида "Реал" ўз майдонида "Леганес"ни қабул қилди ва йирик ҳисобда ғалаба қозонди. Учрашув қаҳрамонларидан бири, шубҳасиз, Гарет Бэйл бўлди.

Биринчи бўлимнинг сўнгги дақиқаларида уэльслик фуболчи рақиб дарвозасини икки марта ишғол қилишга муваффақ бўлди. Иккинчи бўлим бошида Бэйлда гол уриш учун яна иккита имконият юзага келди, бироқ "Леганес" посбони Серантес яхши ҳаракат қилиб, унинг зарбаларини қайтаришга муваффақ бўлди.

Ўйин тугашига 14 дақиқа қолганида Кроос ва Модричларнинг саъй-ҳаракатлари эвазига Альваро Мората "Мадрид"нинг учинчи голини рақиб дарвозасига жойлади.

"Олтин тўп"га даъвогарлик қилаётган Криштиану Роналду бу сафар гол ура олмади. У биринчи бўлимда яккама-якка вазият дарвозага аниқ зарба бера олмаганини таъкидлаш лозим. Ўз навбатида "Леганес" томонидан ташкил этилган 2та голли вазиятни Кейлор Навас йўққа чиқара олди.

Ушбу ғалабадан кейин "Реал" ўз очколарини 27тага етказиб, жадвалда пешқадамлик қилишда давом этадиган бўлди.

Испания Ла лигаси, 11-тур
Реал Мадрид – Леганес 3:0 (2:0, 1:0)
Голлар: 1:0 – 38 Бэйл, 2:0 – 45 Бэйл, 3:0 – 76 Мората.
Реал Мадрид – Навас, Варан, Марсело, Карвахаль, Начо, Ковачич (Модрич, 62), Кроос, Иско (Хамес, 68), Бэйл, Роналду, Мората (Васкес, 82).
Леганес – Серантес, Бустинса, Рико, Инсуа, Мантовани (Диас, 82), Перес (Лусиано, 68), Адамес, Пирес, Лопес, Шимановски, Мачис (Рамос, 55).
Огоҳлантиришлар: Мачис (8), Роналду (17), Кроос (40), Начо (41), Инсуа (42), Мантовани (61), Рамос (82), Диас (90).