Валерьен Исмаэль «Вольфсбург» бош мураббийи сифатида тасдиқланди. Бу ҳақда клуб расмий сайти хабар берди.
Бунгача, октябрь ойи ўрталарида Дитер Хеккинг истеъфога чиқарилганидан бери Исмаэль жамоа бош мураббийи вазифасини бажарувчи сифатида ишлаб келаётган эди.
Исмаэль бундан аввал «Вольфсбург»нинг ёшлар жамоасига устозлик қилган, 2014 йили эса беш ой давомида «Нюрнберг» жамоасининг бош мураббийи сифатида ишлаган.
Ўз вақтида Франция ёшлар терма жамоасига чақирилган Исмаэль 2003-2009 йилларда «Вердер», «Бавария», «Ганновер» клублари ҳимоясида тўп сурган.
