"Локомотив" футбол мактабининг 1998-99 йилда туғилган футболчилари бугундан Олий ва биринчи лига клублари тайёрлов гуруҳлари ўртасидаги мусобақанинг финал босқичини бошлашди.

Мусобақа Қарши шаҳрида 8та жамоа иштирокида бўлиб ўтмоқда. "Локомотив-1998/99" "А" гуруҳидан жой олган. Юрий Винтовкин шогирдлари бугун дастлабки турни "Шўртан"га қарши ўтказиб, 3:1 ҳисобида ғалаба қозонишди.

Ўйинда Қўчқоров Акбар иккита тўп киритган бўлса, яна бир гол Нурматов Мурод номига ёзилди. "Локо" футболчилари кейинги турни 9 ноябрь куни "Насаф"га қарши ўтказишади. Охирги тур эса 11 ноябрда "Металлург" билан бўлиб ўтади. Бугун гуруҳнинг иккинчи учрашувида қуйидаги ҳисоб қайд этилди: "Насаф" - "Металлург" 4:0.

"А" гуруҳи ўйинлари "Спутник", "B" гуруҳи баҳслари эса "Геолог" стадионларида ўтказилмоқда.