"Барселона" клубининг матбуот котиби Хосеп Вивес нима учун Marca газетасининг мукофотлар топшириш маросимига каталонияликлардан ҳеч ким бормаганини маълум қилди.
"Жума куни ўз вакилимизни маросимга юборишга тайёрланиб турган эдик, аммо фэйр-плей соврини Хавьер Тебас (Ла лига президенти) олишини билганимиздан сўнг қатнашишдан бош тортдик."
Охирги ҳафтадаги воқеаларни инобатга олсак, бу совриннинг Тебасга топширилиши ноўриндир. Айнан шунинг учун маросим эътиборимиздан четда қолди", - дейди Вивес.
Marca талқини бўйича Испания чемпионати-2015/16 мавсумининг энг яхши ўйинчиси "Реал" ҳужумчиси Криштиану Роналду бўлди, энг яхши мураббий номини Диего Симеоне ("Атлетико") қўлга киритди. Испания терма жамоасининг энг яхши ўйинчиси деб Альваро Мората топилди. "Барселона" ўйинчилари ҳеч қандай совринсиз қолдилар.
