“Насаф” жамоаси бугун Тошкентда иккита ўртоқлик учрашуви ўтказди. Ўртоқлик учрашувлари “Пахтакор” ва “Обод” жамоалари билан бўлиб ўтди. 

“Пахтакор” жамоаси билан бўлган ўртоқлик учрашуви 2:2 ҳисобида якун топди. Учрашувдаги голларини Огнен Красич ва Дониёр Нарзуллаевлар киритишди.  

Ушбу учрашувда Насаф таркибида бир қатор ёш футболчилар майдонда ҳаракат қилишди. Жумладан,  Жўрабек Маннонов, Акбар Муродов, Наврўз Изатиллаев ва Акмал Олимовлардир. Улар бугун жуда яхши ўйин кўрсатишди.

Тушдан кейин “Бунёдкор” футбол академияси майдонида “Обод” жамоаси билан бўлган ўртоқлик учрашувида жамоамиз 3:1 ҳисобида ғалаба қозонди.  Бу учрашувдаги жамоамиз голларига Шахбоз Эркинов, Драган Черан ва Ильдар Маматказинлар муаллифлик қилишди.

Иккинчи назорат учрашувида ҳам юқорида номлари тилга олинган ёш  футболчиларимиз қаторида Дилшод Хушбаков ҳам тўп тепди.

Шуниси диққатга сазоворки, клубимиз қошидаги футбол мактабида етишиб чиққан ёш футболчиларимиз, бугунги учрашувда асосий таркиб ўйинчиларимиз билан ҳамжиҳатликда ҳаракат қилишди.

Жамоамиз ўйинчиларига бугун қисқа муддатли дам олиш эълон қилинди. Энди “Насаф” жамоаси 14 ноябр куни Қарши шаҳридаги ўз қароргоҳида тўлиқ йиғилади.

Жамоамиз шу кундан, 18 ноябр куни “Сўғдиёна” жамоаси билан бўладиган ўйинга тайёргарликларни давом эттиради.