“Бунёдкор” жамоасига қарши учрашувга Тошкентда тайёргарлик кўраётган "Навбаҳор" бугун “Пахтакор” жамоаси ёшлари билан назорат ўйинида куч синашишди.

Учрашувнинг биринчи бўлимида ҳар икки жамоа аъзоларида ҳам гол уриш учун бир қатор имкониятлар бўлсада танаффусга қадар ҳисоб очилмади. Иккинчи бўлимда Алишер Маҳмудов ҳисобни очишга эришган бўлсада футболчиларимиз 1:0 ҳисобидаги устунликни сақлаб қола билишмади. Мезбонлар ҳам битта гол уриб, якуний натижани дуранг бўлишини таъминлашди.
Пойтахтда ўтаётган йиғиндаги машғулотларда футболчиларимизни кўтаринки кайфиятда шуғулланётганликларини айтиб ўтиш жоиз. Қолаверса, машғулотлар ҳам ранг-баранг ва қизиқарли тарзда ташкил этилмоқда. Мураббийлар штаби футболчиларга юкламалар бериш билан бир қаторда уларни руҳий томондан ҳам тайёрлаб боришмоқда.