Жанубий Корея ва Ўзбекистон ўйинидан кейин иккала жамоа мураббийлари матбуот анжуманида иштирок этишди. Дастлаб терма жамоамиз бош мураббийи Самвел Бабаян ўз фикрларини билдирди.
“Ўйинни яхши бошлаган ҳолда ёмон натижа билан қайтаётганимиздан афсусдаман”, — дея сўз бошлади Самвел Бабаян. “Шогирдларимга раҳмат айтаман. Улар яхши ўйнашди. Икки вазиятда икки гол ўтказиб юбордик. Албатта, Жанубий Корея кучли жамоа. Шундай бўлса-да бизда ҳали имконият бор. Шу имкониятни юзага чиқариш учун тайёргарлик кўрамиз. Иккинчи бўлимда майдонга туширилган бўйдор Ким Шин Ук ҳақида яхши билган эдим. Лекин унга қарши ўйнаган футболчимиз бугун унга ютқазди. Узатилган тўпга астойдил сакраши керак эди”.
Корейс ОАВ маълумотлари асосида Отабек Йўлдошев тайёрлади.
