Испания полицияси ўзини ФИФА агенти деб таништирган ва одамлардан пул талаб қилган шахсни қўлга олди, деб хабар бермоқда AS.
2015 йил ёзида ёш футболчининг отаси ўзини ФИФА агенти деб таништирган шахс билан учрашган. У футболчини профессионал клубга жойлаштириш учун 4 минг евро пул сўраган. Пулни олганидан сўнг кўздан ғойиб бўлган. Алданган ота эса клубга мурожаат қилганида, бундай шахсни танимасликлари ҳақида жавоб олган. Шундан сўнг полиция тергов ишларини бошлаган.
Қўлга олинган шахс 43 ёшли Сенегал фуқароси бўлиб, у Альхерсирас шаҳри судига олиб келинган.
