Милан шаҳрининг мафия билан кураш бўйича махсус комиссияси «Интер» ва «Милан» клубларининг ҳақиқий эгалари кимлигини билишни истамоқда.
Комиссия раҳбари Давид Жентили ANSA ахборот агентлигига бу ҳақда интервью берган.
«Шаҳар маъмурияти клубларнинг ҳақиқий эгалари номини билишни истамоқда. Чунки клуб раҳбарлари шаҳарга тегишли бўлган «Сан-Сиро» стадионини ҳам бошқармоқда. Бундан ташқари, клубларнинг олди-сотди операциялари жараёни орқасида жиноий йўл билан топилган пулларни легаллаштиришга уриниш ҳолатлари бўлиши ҳам мумкин. Биз барча жараёнларни очиқ бўлишини истаймиз» - деди Жентили.
