Беларус республикаси президенти Александр Лукашенко рус журналистлари билан суҳбатда жаҳон чемпионатида Россия термасига мухлислик қилишини маълум қилди.
"Ҳам бизнинг, ҳам рус футболчилари, қўпол гапиришни истамайман, нимага лойиқлигини ўзингиз биласиз. Айниқса, жаҳон чемпионатига шунча пул сарфлаётган Россия футболчилари. Мен сизлар учун мухлислик қиламан, бизникилар у ерга бора олмасликлари 100 фоиз аниқ. Шунинг учун сизларга мухлислик қиламан, жуда уят бўлиб кетмаслиги учун гуруҳ босқичидан чиқишларинг керак.
Мана шу нарсалар биз учун ҳам, сизлар учун ҳам муҳим, ва россияликлар учун мухлислик қиламиз. Аммо ҳозирча хурсанд қиладиган нарсанинг ўзи йўқ ва футболчилар бир, икки ёки беш йилда пайдо бўлиб қолмайди, бу вақт ичида супержамоа тузиб ҳам бўлмайди.
Мен ски футболчиман, бу менинг биринчи касбим. Бахтсиз тасодиф туфайли хоккей ўйнаб тураман, умуман спортдаги мутахассислигим футболчи. Аммо тиззамдаги жароҳат хоккей билан шуғулланишимга сабаб бўлди.
Шунинг учун мен футболни яхши тушунаман, дунё футболи воқеаларини кузатиб бораман, айниқаса ЖЧ тайёргарлигини. Питерда кимнидир қамоққа олганларингни ҳам биламан", - дейди Лукашенко.
