Англия лигаси кубогидан ўрин олган «Вест Хэм» - «Челси» ўйинида жанжал келтириб чиқарган икки мухлис жазоланди, деб хабар бермоқда Guardian.
Ўтган ойда ўтказилган ўйиннинг сўнгги дақиқасида ҳар иккала жамоа мухлислари орасида тўқнашув юзага келган, фанатлар бир-бирига турли нарсаларни улоқтирган ва ўриндиқларни бузишган эди.
Натижада, тартибсизликларда айбдор деб топилган «Челси»нинг 51 ёшли мухлиси Майкл Паркер ўйинларни томоша қилиш ҳуқуқидан 5 йилга маҳрум этилди. «Вест Хэм»нинг 27 ёшли мухлиси Николас Гринвэй эса 3 йил давомида стадионга кирмайдиган бўлди.
