Мадрид дербиси - «Реал» ва «Атлетико» клублари ўртасидаги ўйин бўлиб, ўз тарихини 1906 йилдан бошлайди.
Ҳозиргача жамоалар турли мусобақалар доирасида жами 276 ўйин ўтказишган.
Мадрид шаҳрининг энг муваффақиятли икки клубининг қарама-қаршилиги ижтимоий аҳамиятга ҳам эга.
«Реал» клубининг стадиони «Сантиаго Бернабеу» Мадриднинг шимолида, Чамартин туманида жойлашган бўлиб, бу ерда асосан ўртаҳол ва юқори даромадга эга аҳоли истиқомат қилади. «Реал» клубининг лақабларидан бири - «Лос-Меренгес» ёки «қаймоқли» - 20 аср бошларида сотилган қаймоқли пишириқлардан келиб чиққан, чунки уларни фақат ўзига тўқ оилалар харид қила олган.
«Атлетико» клубини асосан ишчилар табақаси қўллаб-қувватлаб келган. «Висенте Кальдерон» стадиони шаҳар жанубидаги Аргансуэла туманида жойлашган бўлиб, бу ерда тарихан ишчилар истиқомат қилган.
Ўтказилган 276 ўйинда «Реал»нинг яққол устунлиги кўрамиз. Улар 145 марта ғалаба қозонган. 62 ўйин дуранг натижа билан якунланиб, 69 ўйинда «Атлетико» клубининг қўли балан келган.
Қизиғи шундаки, Испания чемпионати доирасида ўтказилган сўнгги 6 ўйинда «Реал» бирор марта ғалаба қозонолмаган.
2013/14 Реал – Атлетико 0:1
2013/14 Атлетико – Реал 1:1
2014/15 Атлетико – Реал 4:0
2014/15 Реал – Атлетико 1:2
2015/16 Атлетико – Реал 2:2
2015/16 Реал – Атлетико 0:1
