ФИФА президенти Жанни Инфантино 2022 йилда Қатарда ўтказилиши режалаштирилган жаҳон чемпионати борасида ўз фикрини маълум қилди.

«Мен бу борада аниқ фикрларимни маълум қилганман. Бу қарор 2010 йилда қабул қилинди. Ҳозир 2016 йил. 2010 йилдан буён Россия ва Қатар танқид қилиб келинмоқда. Мени аввало Россия ва Қатарда тарихдаги энг гўзал чемпионатларнинг ўтказилиши қизиқтирмоқда.

Бу мусобақалар икки мамлакат учун яхши имконият. Айни пайтда мураккаб сиёсий алоқалар даврида яшамоқдамиз. Бу турнирлар эса мамлакатлар учун янги имкониятларни очиб беради» - деди Инфантино.

Эслатиб ўтамиз, Қатардаги ЖЧ-2022 илк маротаба декабрь ойида ўтказилади.