Франция терма жамоаси бош мураббийи Дидье Дешам ҳужумчи Карим Бенземани яна таркибга киритишга тайёрлигини айтди.
«Карим билан ўртамизда муаммо йўқ, буни матбуот ўйлаб топган. Мен жамоага фойда келтирадиган қарорларни қабул қиламан. Агар уни чақирсам, майдонга тушираман. Мен футболчиларни захирада ўтқазиб қўйиш мақсадида чақирмайман. Бензема жамоада ўйнаши мумкин. У терма жамоага мос футболчи» - деди Дешам Le figaro хабарида.
Эслатиб ўтамиз, Бензема жамоадоши Вальбуэнага нисбатан товламачилик қилгани туфайли 2015 йилдан буён терма жамоага чақирилмай қўйганди.
