Минскнинг «Динамо» клуби Португалия терма жамоаси ҳужумчиси Криштиану Роналдунинг дастхатли футболкасини аукционга қўйишга қарор қилди, деб хабар беради «Прессбол».

Футболкани сотишдан тушган маблағ 5 ёшли қизалоқ Владислава Малашкони даволаш учун сарфланади. Унда остеосаркоманинг 4-даражаси – суяк тўқималарининг хавфли саратон касаллиги аниқланган.

Владиславани Германиядаги шифохонага қабул қилишга рози бўлди, бироқ уни даволаш учун 207 минг евро маблағ зарур.

Роналдунинг дастхатли футболкасини Евро-2016 гуруҳ босқичидан ўрин олган Венгрия - Португалия (3:3) ўйинидан кейин беларуслик ҳакам Алкесей Кулбаков қўлга киритган.

«Қизиқ ҳолат юз берди. Венгрия – Португалия ўйинидан сўнг ҳакамлар хонасига Португалия терма жамоасининг вакили кириб, бизга миннатдорчилик билдирди ва португалияликларнинг футболкаларини топширди. Сўнгра бош ҳакам Мартин Аткинсондан сариқ ва қизил карточкаларга дастхат тушириб беришни илтимос қилди.

Мартин эса, хўп, у ҳолда келишамиз, биз сизларга дастхатли карточкалар, сиз эса Криштиану Роналдунинг дастхатли футболкаларини берасиз деди. Хуллас, уйга футболка билан қайтдим» - деди Кулбаков.