Англия премьер-лигасида 13-тур ўйинлари давом этмоқда.

«Челси» ўз майдонида «Тоттенхэм» клубини қабул қилди. Дастлаб ҳисобни меҳмонлар очишди. 11-дақиқада Эрикссен узоқ масофадан аниқ зарба йўллаб, Куртуани доғда қолдирди. Шундан сўнг мезбонлар фаоллашиб қолишди. Бўлим охирида Педро жарима майдони ташқарисидан кучли зарба йўллаб, жуда чиройли гол урди ва ҳисобни тенглаштирди.

Иккинчи бўлим бошида Диего Коста чап қанотдан жарима майдонига ёриб кириб, тўпни марказга оширганида Мозес кучли зарба билан уни дарвозага йўллади.

Бу ҳисоб ўйин охиригача ўзгармади ва «Челси» ғалаба қозониб, пешқадамликни сақлаб қолди.
«Тоттенхэм» эса мавсумдаги биринчи мағлубиятини қабул қилиб олди.

АПЛ 13-тур.
Челси – Тоттенхэм 2:1 (1:1)
Голлар: 0:1 – 11 Эриксен, 1:1 – 45 Педро, 2:1 – 51 Мозес.
Челси – Куртуа, Давид Луиз, Кэйхилл, Алонсо, Аспиликуэта, Матич, Мозес (Иванович, 81), Педро (Оскар, 83), Канте, Азар (Виллиан, 77), Диего Коста.
Тоттенхэм – Льорис, Виммер, Вертонген, Уокер, Дембеле (Янссен, 83), Дайер, Эриксен, Ваньяма, Алли (Нкуду, 73), Кейн, Сон Хён Мин (Уинкс, 65).
Огоҳлантиришлар: Давид Луиз (19), Дембеле (26), Виллиан (85).