«Реал» бош мураббийи Зайниддин Зидан Испания чемпионатининг 13-туридан ўрин олган «Спортинг» (2:1) клубига қарши ўйиндан сўнг ўз фикрлари билан ўртоқлашди.
«Бу ўйинни тезроқ унутишимиз лозим. Унда ўзимиз хоҳлагандек ўйнай олмадик. Яхшиямки уч очкога эга бўлдик. Ёмғирни баҳона қилолмайман, ҳар иккала жамоа ҳам бир хил шароитда ўйнади.
Пепе – биз учун муҳим футболчи, уни қайтганидан хурсандман. У ўйин пайтида ҳам кичик жароҳат олди, бироқ ўзини яхши ҳис қилмоқда. Рамосни тушириш ҳақида узоқ ўйладим, бироқ унинг учун ҳаммаси яхши тугади.
«Реал» таркибида ўйнаганимда, бир мавсумда узоқ вақт пешқадамлик қилдик, охирида эса чемпионликни бой бергандик. Ғалабалар серияси бўлгани яхши, аммо мавсумни қандай якунлашимиз муҳимроқ» - деди Зидан.
