Россиянинг Санкт-Петербург шаҳрида бокс бўйича ёшлар ўртасида жаҳон чемпионати якунига етди. Тўлиқ таркиб билан мусобақада иштирок этган ўзбекистонлик спортчилар 4та медални қўлга киритишди.
60 кило вазнда иштирок этган Билолбек Мирзараҳимов кумуш медални қўлга киритди. Жуда муросасиз кечган финал жангида ҳамюртимиз АҚШлик Делант Жонсонга имкониятни бой берди — 1:4 (28:29, 28:29, 28:29, 28:29, 29:28).
Шунингдек, Отабек Холматов (52 кг.), Шунқор Абдурасулов (56 кг.), Шоҳруз Раҳимов (91 кг.) бронза медаллари билан қайтадиган бўлишди.
Умумжамоа ҳисобида медаллар сифати бўйича Куба (2-2-0), АҚШ (2-0-2) ва Қозоғистон (1-2-1) терма жамоалари кучли учликни банд этишди. Олтин медални қўлга кирита олмаган Ўзбекистон бокс делегацияси 11-ўрин билан чекланди.