Испания чемпионатининг 13-турида «Реал Сосьедад» ва «Барселона» клублари куч синашди.

Каталонияликлар «Аноэта» стадионида ўтказилган 4та ўйиндан буён мағлубиятга учраб келаётганди.

Биринчи бўлим мезбонларнинг катта устунлигида ўтди. Аммо улар яратилган вазиятлардан фойдалана олишмади. 

54-дақиқада мезбонлар ҳисобни очди. Карлос Вела дарвозабон билан юзма-юз чиқиб зарба йўллади. Тўп Тер-Штегеннинг оёғига тегиб қайтди. Виллиан Жозе эса уни боши билан дарвозага йўллади.
59-дақиқада Неймар чап қанотда ҳимоячини алдаб ўтиб жарима майдонига кириб келди ва тўпни марказга, Мессига оширди. Ҳимоячилар эътиборидан четдан қолган ҳужумчи кучли зарба йўллаб, дарвозани осонликча ишғол этди ва ҳисобни тенглаштирди.
Шундан сўнг ташаббус яна мезбонлар томонга ўтди ва улар бир қанча қулай вазиятларни қўлдан чиқаришди.
Натижада, «Барселона» «Аноэта» стадионидан очко билан қайтадиган бўлди.

Испания чемпионати, 13-тур

Реал Сосьедад – Барселона 1:1 (0:0)
Голлар: 1:0 – 53 Виллиан Жозе, 1:1 – 59 Месси.
Реал Сосьедад – Рульи, Навас, Берчиче, Мартинес, Мартинес, Сурутуса, Ильярраменди, Вела, Прието (Каналес, 72), Ойарсабаль (Гранеро, 85), Виллиан Жозе (Хуанми, 75).
Барселона – тер Штеген, Суарес, Пике, Альба, Бускетс, Маскерано, Ракитич (Суарес, 46), Сержи Роберто, Андре Гомеш, Неймар, Месси.
Огоҳлантиришлар: тер Штеген (22), Маскерано (55), Мартинес (62), Суарес (84), Сурутуса (89).