Италия футболи гранди "Интер" раҳбарияти қишки трансферлар учун 150 миллион евро ажратади, дея хабар беради Corriere Dello Sport.
Миланликларнинг режасида икки ҳимоячи, биттадан плеймейкер ва ҳужумчи бор.
Мўлжалдагилар рўйхатининг бошида "Арсенал" ҳужумчиси Алексис Санчес турибди. Чилилик 27 ёшли футболчининг лондонликлар билан шартномаси 1,5 йилдан сўнг тугайди. Ҳозирча шартномани узайтириш борасида музокаралар боши берк кўчага кириб қолган, чунки футболчи ҳафтасига 200 минг фунт маош сўрамоқда.
Санчес бу мавсум 18та расмий ўйинда 10та гол урган ва 5та голли узатма оширган.
"Интер" Италия чемпионатида 12-ўринда бормоқда ва пешқадам "Ювентус"дан 15 очко ортда қолмоқда.
