Radio Gaucha хабарига кўра, Франциянинг "ПСЖ" клуби ФИФАга "Шапекоэнсе" клуби учун 40 миллион доллар хайрия қилишини маълум қилди.
30 ноябрь куни Жанубий Американинг Копа Судамерикана финалида колумбиянинг "Атлетко Насьонал" клуби билан учрашувга йўл олган "Шапекоэнсе" жамоаси ўтирган самолёт Медельин шаҳри яқинида қулаган эди.
"Шапекоэнсе"нинг тўққиз ўйинчиси турли сабабларга кўра бу учрашувга бормаган эдилар. Булар Ненем, Демерсон, Йоран, Нивалдо, Мартинуччио, Андрей, Мойзес, Марсело Боек ва Рафаэль Лима.
"ПСЖ" ўз расмий сайти орқали "Шапекоэнсе" клубига ҳамдардлик билдирган, аммо ҳозирча 40 миллион долларлик инсонпарварлик ёрдами ҳақида ҳеч нарса демаган.
