«Манчестер Юнайтед» бош мураббийи Жозе Моуриньо Англия лигаси кубогида «Вест Хэм» (4:1) устидан қозонилган ғалабадан сўнг ўз фикрлари билан ўртоқлашди.
«Одатда уйда яхши ўйнаймиз ва бугун ҳам шундай бўлди. Гол ўтказиб юборгач, 10 минут хавотир олдик, чунки «Вест Хэм» биринчи зарбадаёқ ҳисобни тенглаштирган эди.
Иккинчи бўлимда ишончли ҳаракат қилиб, чиройли ва ҳужумкор ўйнадик.
Танаффусда йигитларга – ўйинни яхши бошлаб, гол ўтказиб юборгандан сўнг ёмон ўйнаш мумкинмаслигини айтдим. Ўтказиб юборилган голни унутишни таъкидладим. Биз яхши ўйнадик. Ўйинимиз қовушиб, голлар ҳам урилса – бу ҳақиқий бахт» - деди Моуриньо.
