«Рома»нинг Curva Sud фанатлари гуруҳи Италия чемпионатидан ўрин олган «Лацио» клубига қарши ўйинга ташриф буюрмайди.
Roma Press хабарига кўра, мухлислар стадион трибуналарига хавфсизлик мақсадида ўрнатилган темир панжаралардан норози ва уларни олиб ташланишини талаб қилмоқда. Фанатлар стадионни ҳайвонот боғи эмаслигини таъкидламоқда.
Айтиш лозимки, клуб ва мухлислар ўртасидаги бу можаро анча вақтдан буён давом этяпти ва Curva Sud ўйинларни биринчи марта бойкот қилаётгани йўқ.
«Рома» - «Лацио» ўйини 4 декабрь куни ўтказилади.
