Мадриднинг «Реал» жамоаси бош мураббийи Зинедин Зидан клуб етакчиси Криштиану Роналду ва «Барселона» ҳужумчиси Лионель Мессини таққослаш нотўғри эканини айтди. Франциялик мутахассис ҳар икки футболчи ўзига яраша ғайриоддий эканини таъкидлади, деб хабар бермоқда «Sports.ru».
«Месси ва Роналду? Уларнинг ҳар бири ўзига яраша ғайриоддий футболчи. Уларнинг майдондаги хатти-ҳаракатлари муҳокама қилинмаслиги керак. Менинг ихтиёримда Роналду бор ва бундай футболчи билан ишлаш имкониятидан хурсандман», – деди Зидан.
Қайд этиш жоиз, Роналду ва Месси ўз маҳоратини Испания чемпионати 14-турида, «Барселона» ва «Реал» ўртасидаги навбатдаги «Эль-Класико»да намойиш қилиш имконига эга бўлади. Мазкур учрашув 3 декабрь, шанба куни Тошкент вақти билан 20:15 да старт олиши режалаштирилган.
