Бокс бўйича Рио-2016 олимпиадаси ғолиби Ҳасанбой Дўсматов ва федерация мураббийи Равшан Хўжаев «Олтин Мангуст» халқаро мукофотига лойиқ деб топилди.
«Олтин Мангуст» - халқаро мукофоти жаҳон майдонларида юксак натижаларга эришган спортчиларни шарафлаш, спорт ривожига ҳисса қўшган мураббийлар, фахрийларни тақдирлаш мақсадида таъсис этилган.
Мукофотга 2009 йили асос солинган. 2012 йилдан буён у халқаро миқёсга кўтарилган.
Ўзбекистон бокс федерацияси матбуот хизмати маълумотига кўра, «Олтин Мангуст - 2016» лауреатларини тақдирлаш маросими 2 декабрь куни Одесса шаҳрида бўлиб ўтади.
