"Манчестер Юнайтед" яримҳимоячиси Поль Погба ўзининг "Ювентус"да ўтказган даври ҳақида айтган сўзлари ОАВ томонидан нотўғри талқин қилинганини маълум қилди.
"Ювентус" фаолиятимдаги энг муҳим клуб саналади ва ҳозир ҳам юрагимда. Сўзларимн нотўғри талқин қилишгани менга ёқмади.
Мен ҳар доим ўзимга меҳр, ишонч ва имконият берган "Ювентус"дан миннатдорман. Бу клуб ҳозирги "мен"им бўлиб шаклланишимда катта роль ўйнаган. Мухлислар, клуб ва шаҳар Туринни менинг уйимдек ҳис қилишимга сабаб бўлган.
Шунингдек, болалигим ўтган Манчестер ҳам менинг уйим ҳисобланади. "МЮ" юрагимда алоҳида жой олган", - дейди Погба.
