Латвиянинг энг кўп совринга эга бўлган клуби, Риганинг "Сконто"си тўловга қодир эмас деб топилди, дея хабар беради Delfi.lv.
"Сконто" ўтган йилда мамалакат чемпионатида иккинчи ўринни эгаллади, аммо олий лигада қатнашиш лицензиясини қўлга киритолмади ва 2016 йилни биринчи дивизионда ўтказди.
"Бизда стратегик ҳамкор бор, аммо у ҳали клубга инвестиция кирита олгани йўқ. Бошқарув раиси инвестор билан учрашиш учун Москвага йўл олди. Маблағ тушганидан сўнг яна тўловга қодир деб топиламиз", - дейди клуб вакиласи Даце Гринберг.
"Сконто" 14 марта Латвия чемпиони бўлган ва мамалакат кубогида 9 марта ғолиб чиққан.
