Football Leaks хабарига кўра, «Ман Сити» ҳужумчиси Серхио Агуэро собиқ жамоаси «Атлетико»га ҳозир ҳам фойда келтирмоқда.
Футболчи 2011 йилда «Ман Сити» клубига 38 млн фунт эвазига сотилган эди. Унинг шартномасида қизиқ банд мавжуд бўлиб, унга кўра, Агуэронинг урган ҳар 15 голи учун «Сити» «Атлетико» клубига 210 минг фунт тўлашга мажбур.
Футболчи «шаҳарликлар» таркибида ҳозиргача 152та гол урган ва собиқ жамоасига 2,1 млн. евро фойда келтирган.
Бироқ айтиш лозимки, аргентиналик футболчи бу харажатларни тўла оқлади. У деярли барча мавсумларда жамоасининг энг яхши тўпурари бўлди. 2011/12 мавсумда эса сўнгги 44 йилда илк маротаба «Сити»га чемпионликни олиб берганди.
