"Бавария" яримҳимоячиси Ренату Саншеш Германиянинг иқлимига кўникиши кераклигини айтди.
19 ёшли футболчи ушбу ёзда "Бенфика"дан "Бавария" сафига ўтган эди.
"Германия изғиринига кўникишим керак. Лиссабон бу борада Мюнхендан фарқ қилади. Бу ерда бироз совуқроқ, аммо мен шаҳарни севаман. Германия ва Португалия чемпионатларининг фарқи ўйинчиларнинг жисмоний тайёргарлигида ва тактикада. Аммо мен тобора ўзимга ишониб боряпман. Кундан кунга жамоага ва клубга мослашиб боряпман. "Бавария" таркибида совринлар ютишни истайман", - дейди Саншеш.