Бу мавсумда "Торино"да ижарада ўйнаётган "Манчестер Сити" дарвозабони Жо Харт Италияда ўйнаётганидан бахтиёрлигини маълум қилди.
"Торино"га ўтганимдан хурсандман. Бу ерда менга ҳамма нарса янгилик, яхши тажриба орттиряпман ва ажойиб инсонлар билан танишдим. Бу ерга келиб, футбол фақат Англия атрофида айланмаслигини билдим. Италияда футболга қизиқиш, ҳаяжон ва муҳаббат бор. Мен бу ерда бахтиёрман, тажрибам ошиб боряпти.
Келажагим? Ҳозирча билмайман. Ҳали ҳам расман "Манчестер Сити" ўйинчисиман, ҳаммаси ёзда ҳал бўлади", - дейди Харт.