Мадриднинг «Атлетико» футбол клуби тез орада янги стадионга эга бўлади ва у «Ванда-Метрополитано» номини олади. Бу ҳақда Marca нашрига таяниб, «ТАСС» хабар бермоқда.

Хитойнинг «Ванда Групп» компанияси Мадрид клубининг 20 фоиз акциясига эгалик қилгани учун, компания номининг бир қисми стадионга берилади.

Янги стадионнинг сиғими 70 минг мухлисга мўлжалланган бўлади. Стадион очилиши 2017 йилнинг июль ойида бўлиб ўтиши режалаштирилган.

Айни вақтда «Атлетико» жамоаси «Висенте Кальдерон» номли стадионда уй учрашувларини ўтказмоқда. Диего Симеоне қўли остидаги клуб Ла Лига 14-туридан кейин турнир жадвалида 25 очко билан 4-ўринда бормоқда.