«Манчестер Сити» бош мураббийи Хосеп Гвардиола ҳужумчи Серхио Агуэрони 4та ўйинга дисквалификация қилинишига изоҳ берди.

Футболчи «Челси» (1:3) клубига қарши учрашувда Давид Луизни тепгани учун жазоланганди.

«Агуэро қўпол ўйинчи эмас. Бу унинг мавсумдаги иккинчи қизил карточкаси. Умумий ҳисобда эса 7 ўйинга дисквалификация қилинмоқда.

Бундай можароларга баҳо бериш мени ишим эмас. Ҳакамлар ҳақида гапиришни истамайман. Биз бу жазони қабул қилишимиз ва бу ҳолатни бошқа такрорланмаслигига ишонч ҳосил қилишимиз лозим» - деди мураббий The Independent хабарида.

Эслатиб ўтамиз, Агуэро «Манчестер Сити»га «Лестер Сити» (10 декабрь), «Уотфорд» (14 декабрь), «Арсенал» (18 декабрь) ва «Халл Сити» (26 декабрь) клубларига қарши ўйинларда ёрдам беролмайди.