Ортда қолган мавсумда «Машъал» ўз мухлисларига эсда қоларли баҳсларни тақдим этди.

Жамоа бу мавсумда баъзи бир жамоаларни муҳим очколардан бутунлай маҳрум қилди. Олий Лиганинг 3-тур доирасида «Газчилар» Тошкентда «Бунёдкор» жамоасига қарши ўтказиб нурсиз дуранг (0:0) қайд этишди.

«Қалдирғочлар» билан 2-даврада бўлиб ўтган Муборакдаги жавоб баҳсида яна ғолиб номи аниқланмади. Бу сафар жамоалар яна дуранг (1:1) қайд этишди, шу тариқа «Машъал»чилар бу мавсумда «Бунёдкор»га мағлуб бўлишмади ва қўшимчасига рақибидан 2 очко тортиб олди. Ўз майдонида, Мамлакат чемпиони «Локомотив»ни тор мор этган ва Олий Лигамизнинг бу мавсумдаги кашфиёт жамоаси бўлган «Бухоро» «Машъал»га қарши ўтгаказган ҳар икки баҳсда ҳам мағлуб бўлди.

Бухорода кечган 1- даврадаги учрашувда Жамшид Ҳасановнинг киритган голи, Мубораклик футболчиларга 3 очкони тақдим этган бўлса, Муборакда кечган баҳсда, Сардор Абдураимов ҳамда Хумоюн Муртазоевлар «Бухоро»нинг  2-даврадаги баҳсда (2:0) ҳисобида мағлуб бўлишини таъминлади ва жамоамиз «Бухоро»ни оз эмас кўп эмас 6 очкодан маҳрум қилди.

Яна бир муҳим баҳс «Пахтакор»га қарши Муборакда бўлиб ўтди. Анчагина шиддатли кечган баҳсда ҳисоб очилмади (0:0) Айни шу баҳсда «Шерлар» ғалаба қозонишса медаллар учун курашадиган жамолар қаторига қўшилишарди. Жамоамиз «Пахтакор»ни нафақат очколардан балки медаллардан ҳам мосуво қилди.

Мавсумнинг ўртамиёна жамоаларидан бири бўлган «Қўқон-1912» ҳам бу йил «Газчилар»ни мағлуб этолмади «Машъал» бу жамоадан 4 очкони тортиб олди, Муборакда ғалаба ва Қўқонда дуранг. Биринчи давранинг сўнги баҳсига тўғри келган Муборакдаги «Машъал» «Насаф» қарама қаршилигида жамоамиз кичик (1:0) ҳисобида ғалаба қозонди. Қизиғи шундаки Воҳа дербиси баҳсида жамоалар 1 давранинг сўнги баҳсида мадонга тушган бўлсалар, худди шундай Олий Лиганинг сўнги турида ҳам тўқнаш келишди. Биринчи даврада «Машъал», ва иккинчи даврада эса «Насаф» ғалаба қозонган.

Бошланажак мавсумда жамоа бизга бунданда қизиқарли баҳсларни тақдим этишига ишонамиз.