"Интер" ҳужумчиси Габриэл Барбозанинг агенти Вагнер Рибейро миланликларнинг ўз мижозига муносабатлари ҳақида фикр билдирди.

"Мен Габигол билан доим мулоқот қилиб тураман. Бразилия клублари унга "Интер" тўлаётган пулларни тўлай олмаслигини ҳамма билади. Рио ва Минас шаҳри клублари менга чиқишди, аммо мен ҳеч қандай ваъда беролмадим.

Мен, шунчаки, мижозимни кўпроқ ҳурмат қилишларини истайман. У нимага ўйнамаяпти? Буни "Интер"дагилар ҳам тушунтириб беролмайдилар. Бразилиядан келган чоғида унинг формада эмаслигини айтишган эди, ҳозир ҳаммаси жойида. Ҳақиқат шундаки, унга ҳатто имконият ҳам беришмаяпти.

Габриэл "Сантос"нинг асосий таркиб ўйинчиси эди, Бразилия терма жамоасидан таклиф олганди, олимпия чемпиони бўлди. У катта пулга сотиб олинди.

Бу масалани январда ҳал қиламиз. Унда беш йиллик шартнома бор, аммо у ўйнамаса ҳеч нарса бўлмайди дегани эмас. У бахтсиз", - дейди агент.