«Реал» клубининг собиқ бош мураббийи Висенте дель Боске ҳужумчи Криштиану Роналду ва клублар ўртасидаги Жаҳон чемпионати ҳақида ўз фикрини маълум қилди.
«Роналду – агар унинг рекордларини инобатга оладиган бўлсак, «Реал» клуби тарихидаги энг яхши футболчидир. Бироқ мен бошқа футболчиларнинг хизматини зинҳор камситмоқчи эмасман.
Клублар ўртасидаги Жаҳон чемпионати – муҳим мусобақа, у «Реал» брендини Осиёда реклама қилиш учун хизмат қилади. Мадрид финал ўйинида фаворитдир, чунки у «Кашима» клубидан анча кучли» - деди мутахассис AS хабарида.
